Beaver

Informations générales‎ > ‎Les Branches‎ > ‎

Haaptaktivitéiten

De Beaver Programm

De Programm vun der Beaver-Branche ass fir eng Zäitspan vun zwee Scoutsjoer opgebaut.

Als Kader hu mir d’Geschicht vun de "Frënn aus dem Bësch" , déi eis e flotten Hannergrond fir eis Aktivitéite bidd an eis vill opreegend Momenter bereede kann.

De Programm selwer baséiert op 5 Haaptpunkte (Steipen):

Freed hunn
Kreativitéit
Frënn
Natur
Gemeinschaft

Federalaktivitéiten

Beaver huelen un 2 grouss Federalaktivitéiten deel:

De Beaver Funday wou sech all Beaver fun der FNEL treffen fier een flotten Dag ze verbréngen an de Pow-Wowwou sech dann als Oofschloss fum Joer all Scouten an Guiden, grouss an kleng, gesin.

Wat si Beaver Scouten?

D’Beaver sinn déi klengst an déi jéngst Branche an der FNEL.

Et si jonk Kanner am Alter vun 6-8 Joer, déi sech « um Weier» begéinen, fir zesumme mat hire Beaver-Frënn Freed ze erliewen, sech ze ameséieren a fir vill Neies ronderëm d’Natur an de Bësch kennen ze léieren.

Si liewen an der Beaver Colonie a kleng Gruppen agedeelt: d’Beaverdämm, die alleguer de Numm vun engem Bam droen.

An engem Damm sinn ongeféier 5-6 Beaver.

Beaver (6-8 Joer)

Adresse courrier:
FNEL- Beaver
BP 2676
L-1026 Luxembourg

beaver@fnel.lu

Historik

1984	hun déi Gréng Scouten am Kader vun der 'Année Internationale de la Jeunesse' déi éischt Beavercolonie héi zu Letzebuerg gegrennt.
1988/89	d'Kiewerlecken zéien no.
1989/90	éischten Beaver Fun Day 'Gréng-Kiewerlecken' zu Heeschdref.
1990/91	zwéten Beaver Fun Day 'Gréng-Kiewerlecken' zu Rippeg. d'Peaux-Rouges grennen och eng Beavercolonie.
1991/92	3 ten Beaver Fun Day um Neiheischen.
1992/93	4 ten Beaver Fun Day zu Dikkerech.
1993/94	Zouwuess : Fola an Kanneschen; 5 ten Fun Day an der Péitrus.
1994/95	d'CB/DM, d'HOGA an d'DACHSEN maachen och eng Beavercolonie op an de 6 ten Beaver Fun Day as zu Esch an der Waldschoul mat 150 klengen a groussen Beaver
1995/96	d'Beaverbranche get offiziel an d'Statuten opgeholl. D'Well Sai grennen och eng Beavercolonie. De Beaver Fun Day as zu Housen am Weldpark mat 180 klengen a groussen Beaver.
1996/97	Beaver Fun Day um Misârshaff ennert dem Thema « Den Beaver denkt un d'Natur » . D'Loutres machen och eng Colonie op.
1997/98	Fun Day zu Greiveldeng op der Musel « Op der Sich nom Bibu sengen Schong ». Eng Forinatiounséquipe suergt dofir dat d'Assistants Chef de Colonie hir Formatioun kennen maachen.
1998/99	Neie Branchebadge an Beaverknued fir de Foulard. D'Mamer Wiselen machen eng Colonie op. Beaverformatioun léeft ganz héi zu Letzebuerg d.h. Formatioun fir ACC an CC. Beaver Fun Day zu Uewermarteleng an de Leekollen; 190 grouss a kleng Beaver waren do.
1999/2000	Beaver Funday zu Lasauvage beim Train 1900
2000/2001	De Beaver Funday leeft ënnert dem Thema Märecher ze Bourglënster
2001/2002	Grouss Olympiad um Geessekneppchen
2002/2003	De Beaver Funday get ze Diddeleng oofgehalen ënnert dem Thema Baueren
2003/2004	Fier de Beaver Funday hun Beaver hiert Zirkuszelt ze Colmar-Bierg opgeschloen
2004/2005	Beaver Funday um Misärshaff
2005/2006	Beaver am Weltall: De Funday war ze Miersch
2006/2007	Dëst Joer huet de Bambësch sech an en Zauberbësch verwandelt fier de Funday
2007/2008	D'ganz Welt war ze Woltz op Besuch: Beaver hun op hierem Funday eng Weltrees gemat
2008/2009	De Kapitän Kaliko Jack huet d'Beaver - Piraten an de Staater Park invitéiert
2009/2010	Beaverbranche feiert hier 25 Geburtsdag

Gesetz

E Beaver as frou.
E Beaver as fläisseg.
E Beaver denkt un d'Natur.
E Beaver hëlleft iwwerall.